Libraria PS2

(2002) Një nga lojërat më të mira në PC. Vazhdimi i saj në PC Deus Ex Revolution gjithashtu i doli me sukses Square Enixit. Në PS 2 kjo kryevepër erdhi me goxha përmirësime, por si çdo gjuajtës në vetën e parë në këtë konsolë, ishte e destinuar të dështonte. Pak ironike sepse ka shitur goxha kopje në kompjuterët personal dhe akoma shet goxha edhe sot në GOG mbas kaq vitesh. Ishte e çuditshme që kjo lojë u publikua dhe u zhduk me pak gjurmë. J. C. Danton rekrutohet nga OKB dhe dyndet me lloj e lloj mikroprocesorësh. Falë këtyre nano-botëve (përdorur nga seria Metal Gear për të shpjeguar gati çdo gjë), Danton përfton fuqi mbinjerëzore.  Një sëmundje globale prek njerëzimin dhe në mënyrë të mistershme, vetëm një grup i caktuar posedon kurën. Danton bëhet kureshtar, po ashtu edhe lojtari që shikon çdo gjë me sytë e tij. Hapat e hedhur në vazhdim, thjeshtë sa zbulojnë një teori të komplikuar konspiracioni e komplotesh. Në një kohë që fundet mund të ishin vetëm të mirë e të k...

(2005) Le të themi të drejtën. FPSve nuk i ka ecur mbarë në konsolën PS 2. Darkwatch është një tjetër gjuajtës i shkëlqyeshëm në vetën e parë që nuk u vlerësua kurrë mjaftueshëm nga poseduesit e konsolës. Kuadri i historisë është e ngjashme pak a shumë me atë të Vampire Hunter D (ose filmit Priest që është pak a shumë Vampire Hunter D), me një atmosferë gotike. Në perëndimin e egër e të largët, një bandit me emrin e qytetit të shkatërruar në Bibël, Jeriko, sulmon një tren me shpresën se do marrë flori e pasuri.  Ajo që merr është një mallkim nga lordi vampir i cili po mbahej i burgosur nga Rojtarët e Natës. Me fuqinë e re të vampirit, ky i fundit duhet të ndihmojë Rojtarët që të eliminojë të ligat ardhur në botë nga çlirimi i vampirit dhe vrasjen e këtij të fundit. Ajo që e bënte unike këtë lojë, ishte ndoshta sistemi ditë e natë. Gjatë ditës personazhi kishte opsione të limituara, ndërsa natën çliroheshin funksionet vampirike të Jerikos. I përsosur ishte edhe arti i pë...

(2001)  Në hartimin e një liste lojërash FPS, asnjëherë s’duhet harruar Half-Life. Vepra e artit dalë nga studiot Valve, u bë ikona e kategorisë duke paraqitur një histori konsistente dhe një gjuajtës të hatashëm. Lojtari merr nën komandë dr. Morgan (një personazh të cilit nuk i pëlqen të flasë shumë, për mos thënë aspak), dhe gjendet krejt papritur në një zonë jo miqësore me krijesa aliene, komando armiqësor dhe më pas akoma ngjarjet zhvendosen në një dimension paralel. Detyra e lojtarit është të përfundojë me sukses lojën duke ndaluar pushtimin e tokës nga forcat armiqësore jashtëtokësore.  Historia e lojës vazhdon duke u zgjeruar në Half-Life 2 (episodi i parë dhe i dytë), një lojë që gjithashtu korri sukses. Versioni PC ndryshon pak nga versioni për PS 2. Half-Life nuk u soll në këtë konsolë nga Valve, por nga një tjetër kompani. Origjinali është publikuar më 1998, por në PS 2 do vinte vetëm tre vjet më vonë. Le të themi se ky titull i mrekullueshëm, ishte një ...

(2003) Kjo first person shooting ishte mbase loja e parë e mirëfilltë që prezantonte animime stripesh si ato në revistat Marvel ose DC Comic. Efekte të tilla vizuale hasen edhe në titujt më të vjetër, por XIII i çoi këto dekorime grafike në nivele më të larta. Loja është një FPS me disa elementë të lezetshëm origjinal për kohën. Ashtu si edhe te seria Tenchu, ju dëgjoni hapat e armiqve (në ekran shikohet fjala “tap”) tek afrohen e mund të vendosni të futeni në aksion, ose të zgjidhni të fshiheni e të qëndroni nën hije. Vrasjet kanë sekuenca me panele të vegjël si librat e animuar. Lojtari merr rolin e agjentit XIII. Si pjesë e organizatës XX, agjenti ka amnezi dhe beson se ia kanë hedhur fajin e vrasjes së presidentit padrejtësisht. Ndërsa përpiqeni të zbuloni të vërtetën, kuptoni më pas se organizata në fjalë nuk është benevolente, por ka në fakt plan për të mbizotëruar SHBAtë. Agjenti duhet t’i ndalojë në planet e tyre. Libri nga ku është bazuar loja, nuk është shumë i fa...

(2006) Ky titull pak kishte të bënte me JRPG-të. Ishte më shumë një First Person Shooting, me perspektivën e një Third Person Shooting. E prezantuar në PS 2, loja kishte në qendër të saj, personazhin Vincent Valentine i cili i pajisur me armë të ndryshme, çante rrugën e tij mes mijëra kundërshtarësh. Kjo lojë nuk kishte ndonjë gjë interesante për tu përmendur, përveç filmimeve të bukura që vetëm Square Enix di t’i bëjë. Besojmë se ishte e tepërt t’i jepje adhuruesve të RPGve një FPS.