Libraria PS2

(2003; PS 2 – 2004; PC)  Mund të luhej vetëm online.  Ngjarjet zhvilloheshin në botën e Ivalice. Lojtarit i jepen misione dhe të gjithë inkurajohen, që të formonin aleanca për të përfunduar një mision të dhënë. Gil (paratë e Ivalice) janë të radha në këtë titull e përfitohen zakonisht nga shitjet e objekteve të përftuara gjatë misioneve ose gjatë sorollatjes në botën fiktive. Serverat e FF XI janë akoma në funksion, edhe pse dita ditës çmimet e abonimeve po bien gjithnjë e më shumë. Update të shumta janë ofruar nga Square Enix në vazhdim. Netuorku i Sonit asokohe nuk ishte ndër më të mirët na duhet ta theksojmë, dhe loja mori më shumë famë në PC, sesa në PS 2.

(2005)  Është e vështirë të japësh një opinion për lojën Gantz pasi kjo e fundit nuk u publikua kurrë jashtë Japonisë. Konami vendosi kështu, mendoj, sepse nuk besonte se loja kishte ndonjë potencial.  Sidoqoftë seria e bazuar në mangën dhe animen e shumë shitur, është një third person shooter jo tepër i latuar, që përshkruan evenimentet e disa prej kapitujve të mangës (pak a shumë deri ato statujat e Budës që masakrojnë këdo në skuadrën e Kuronos – personazhit kryesor). Loja ndërthur elementë rpg dhe para misioneve ka dialogë të ngjashëm me një nga ato lojërat e zhanrit që i përkasin llojit të novelave grafike. Loja sjell pak ose aspak inovacion ose ndonjë gjë që nuk mund të zbulohet duke lexuar mangën. Ndoshta nuk ishte edhe gjë e keqe ideja se nuk është publikuar jashtë Japonisë.